[München, BSB, Cgm 5198, 133rv: w 127]
| Hie hebent sich an scho#;ener lied drew in des frawenlobs langen don ain guete ler | |
| [I] | |
| Der zungen schlu#;:ssel ist der tu#;:gent ain vrspring / | |
| ju#;:ngkh man nu#;:n zwing / | |
| dein zu#;ong vnd laß sy schlaffen / | |
| nu#;:n wo ward ye khain waffen / | |
| [5] | so frey so frech behalt die red / so darff dich niemant straffen / |
| wig ee das wort ee das es khäm der zu#;:ungen jn jr schnalle / | |
| halt deines mu#;:ndes zau#;:m vast ob dein mu#;:et well doben / | |
| vinstw zer kloben / | |
| ob sich dein mu#;:ndt wil frechen / | |
| [10] | dw solt dich nicht verlechen / |
| zeu#;:ch wider ain vnd hab vernu#;:nfft / aller erst hilfft dich dein sprechen / | |
| prieff jn den synnen peyder stu#;:nd wohin die wort gefallen / | |
| auß vnu#;:erdachtes mu#;:etes mu#;:nd / | |
| wer toren volget der wirt wu#;:nd / | |
| [15] | jm wirt nicht khu#;:nd / |
| der weysen fu#;:nd / | |
| dw solt ee messen zwir den gru#;:nd / | |
| ee dw verschru#;:st der synne pu#;:nd / | |
| got alle ding vor wol besan mit wiczen ob jn allen /: | |
| [II] | |
| Ju#;:nckh edel man wildw mit wirden werden alt / | |
| vor spru#;:chen palt / | |
| soltw dein zu#;:ng behu#;:etten / | |
| dw zwige sey jn gu#;:eten / | |
| [5] | vnd volg jr nicht zu verre nach / wil sy jn zorne wetten / |
| so mag dir nymmer missegan / volgstu der meinen lere / | |
| Seid das des menschen zu#;:ngen ist ain preytes glid / | |
| das man damit / | |
| got selber mag bezwingen / | |
| [10] | als vns die priester singen / |
| die meß vnd das dy reinen wort auß gottes ordnu#;:ng dringen / | |
| darvmb la#;:t er sich her zw tal / durch reyner priester ere / | |
| Der zu#;:ngen schlu#;:ssl sey verspart / | |
| jm hertzen das dy rainen wart / | |
| [15] | hie vnde dart / |
| von po#;eser art / | |
| sy alzeyt sollen sein bewart / | |
| Ju#;:nck man layd sy auf rechte vart / | |
| so wirt ain lob gepreyset hie / vnd fu#;:re paz ymmer mere /: | |
| [III] | |
| Seyd das der mu#;:nd sol wissen v#;:bel vnd gu#;:et / | |
| des hertze mu#;:et / | |
| so sol er sich bedenckhen / | |
| an ern nyemant krenckhen / | |
| [5] | jr wisset nach der lere mein / die zu#;:ngen lat sich lenckhen / |
| er sol jr hu#;:etten das sy nymmer arges wort erschelle / | |
| So wiß auch priester das dw rainer so#;:llest sein / | |
| an argen pein / | |
| die engl jn dem trone / | |
| [10] | got an dem kreu#;:tze frone / |
| der vns die ersten messe sang / jm pa#;:rmigklichen do#;:ne / | |
| der mu#;:nd beteyttet vnde maynet was das hertze welle / | |
| Hely der her am kreu#;:tze sangkh / | |
| all da er mit dem tode rangkh / | |
| [15] | vor du#;:rste krankh / |
| gall essich trangkh / | |
| den edlen fu#;:rsten da bezwangkh / | |
| in pru#;:nn auß seiner seyten sprangkh / | |
| den macht longinus mit seiner hant / vnd etlich sein geselle /: |
Transkription: M.B.