[München, BSB, Cgm 4997, 104rb: k 66,2]

Marien son wart an ein sul gebunden hart /
har vnde bart /
daz wart ym vß gezucket /
ein durnen cron gedrucket /
[5] ym vff das here heubet fin / sin zarter lyp gestucket /
sunder alles vmb dine sund dez alle tag beweyne
 
¶ Sunder bedenck die not die am crutze leit /
da man verschneit /
daz hercz in sinem libe /
[10]sunder daz lyden schrybe /
gar tieff in gottes jnnikeit / ee dich der tufel trybe /
gedenck dez smerczen vnd dez spott / den fur vns leyt der reyne
 
¶ Sunder hab ru der missetat /
die din lip hie begangen hat /
[15]got dich nit lat /
an keyner stat /
So mag dinr sele werden rat /
da von so wirt der tufel mat /
der got der vns beschuff / der fur vns zu ym all gemeyne /

Transkription: M.B.