[München, BSB, Cgm 4997, 555rb-va: k 592,2]

DEs hohen grossen starcken wondereris krafft /
der da geschüff vz nichte alle die geschafft
vnd an sich nam sins werden menschen bilde
 
¶ Geburt besnieden vnd den iemer werenden taüff /
[5] vnd der sich lie verkouffen sines touffes koüff /
des wonder werck ist / allem wonder wilde
 
¶ Der sinem vatter ist her vnd eben /
vnd an daz frone crütze wart gezwicket /
des nam einfaltig ist geweben /
[10]vnd doch drylich gedrüngen vnd gestricket /
des sessel ist der hymmel dort /
vnd hie die welt der siner fusse schemel
dez wort / in zorne würt er hort /
vnd in dem munde sin ein fürin lamel /
[15]der sich in einer reinen megde wamme wolte winden /
der laz vns sich an ende gar /
der engele schar
mit steter hüte hie by vns vnd dort ane ende vinden

Transkription: H.A.