[München, BSB, Cgm 4997, 230va-231ra: k 237]
| Jn frawenlobs ritter wis ein ewig wort /= | |
| [I] | |
| JM ersten nü da was daz wort / | |
| schriben vns die meister pfaffen / | |
| got ist daz wort / daz wort ist got / | |
| wont ewiclich in ym | |
| [5] | ¶ Vnd aller creatüren hort / |
| die sint dürch yn geschaffen / | |
| vil hoch gelopter künig saboth / | |
| daz wort daz ist dyn schyn | |
| ¶ Jn ym ist daz leben vnd daz liecht / | |
| [10] | daz ewig hat gezündet / |
| die finsterniss begreiff sin nicht / | |
| wie dick er wart verkundet / | |
| ¶ Johannes der wart vss gesant / | |
| daz er dem waren schin / | |
| [15] | gezügnüß geb mit siner hant / |
| vnd zeügt der finger syn //= | |
| [II] | |
| DAz wort hat alle welt gemein / | |
| herlüchtet also schone / | |
| er kam dar in mit eygenschafft / | |
| verborgen vnser [geschn] gesi#;echt | |
| [5] | ¶ Wer yn enpfing des sel wart rein / |
| vnd seczt ym uff die crone / | |
| als er in siner magen krafft / | |
| vns alle hat gepflicht | |
| ¶ Vnd er was nit von fleisch von blütt / | |
| [10] | von mannes lip geboren / |
| got vatter selb mit sinem mut / | |
| der het yn vsserkoren / | |
| wer do enpfaht daz ewig wort / | |
| in sinr person allein / | |
| [15] | dem wirt zu teil der selbig hort / |
| des freuden sint nit clein /= | |
| [III] | |
| Dje gotheit die kam über ein / | |
| der sön solt mensche werden / | |
| er wart vom vatter vss geborn / | |
| enpfangen von dem geist | |
| [5] | ¶ Ge#;esant zü einer maget rein / |
| vom hymmel vff die erden / | |
| sie was dy müter vsserkorn / | |
| mit gnaden volleist | |
| ¶ By ir wart fleisch vnd auch zü blüt / | |
| [10] | megtlich daz wort beslossen / |
| an wandel was ir küscher müt / | |
| an demüt vnüerdrossen / | |
| sie zwang die gotheit zü ir her / | |
| do mit herwarb sie vns hüld / | |
| [15] | maria nü wiss vnser wer / |
| verslicht vns vnser schülde A. M. E . N |
Transkription: M.B.