[München, BSB, Cgm 4997, 229ra-230rb: k 235]
Jn frawenlobes ritter wise | |
[I] | |
JCh sünge gern von ritterschaft / | |
mocht mir dar an gelingen / | |
wie daz die edelen ritter güt / | |
vmb er geworben hant / [Sang] | |
[5] | ¶ Sant jorg mit ritterlicher crafft / |
künd wol nach eren ringen / | |
in cristes lob goss er sin blu#;ot / | |
daz wart ym freud bekant | |
¶ Manig hündert ritter an der schar / | |
[10] | vnd alle merteler / |
in cristus willen blütig var / | |
mit manger hande swere / | |
jn cristen glaüben hant sy ir blüt / | |
gar williclich verrert / | |
[15] | daz ist der cristenheit so güt / |
vnd wirt ir lob gemert //= | |
[II] | |
Dy cristenheyt sie loben sol / | |
die edelen ritter werden / | |
die also williclichen hant / | |
gestritten vmb daz rich | |
[5] | ¶ Daz ist ir hertz an freüden vol / |
nach allen ir begerden / | |
nü dar ir cristen alle sant / | |
ir lobt yn sünderlich | |
¶ Der da der erst gewesen ist / | |
[10] | do sie den strit an fingen / |
daz was der milte ihesü crist / | |
dem sie all nach hingen / | |
er was ir fürer vnd ir vogt / | |
vnd wist sie üff den bann / | |
[15] | sy kamen all hinnach gezogt / |
den strit den fing er an //= | |
[III] | |
Allein furt er den selben strit / | |
wol vierdhalb iar vnd drissig / | |
güt tag noch zit er ny gewan / | |
also het ers bedacht | |
[5] | ¶ Des trügen ym die iuden nyt / |
gein ym so warn sie flissig / | |
waz die propheten gesprochen han / | |
daz wart an dir volbracht / | |
¶ Er für vor vns in ritters cleit / | |
[10] | vnd wolt auch vor vns striten / |
von pürper wart ym an geleit / | |
ein gewa<n>t zün selben czitten / | |
schi<l>t vnde sper bracht man ym dar / | |
dem künig vnd auch ein cron / | |
[15] | dar vnder wart er blütig var / |
vnder dem schilt so fron //= | |
[IV] | |
DEn schilt er zü dem rücken swang / | |
daz sper zü siner brüst / | |
hend vnde füss er für vns bott / | |
do mit zerdenten liden | |
[5] | ¶ Des selben bittens tücht yn lang / |
nach menscheit yn gelust / | |
er halff vns allen vsser nott / | |
vnd bracht vns in den friden | |
¶ Ach dü vil edele cristenheyt / | |
[10] | sag dang dem werden ritter / |
der also ritterlichen streit / | |
mit siner marter bitter / | |
vnd wo wart ye kein kempf so starck / | |
als er gewesen ist / | |
[15] | daz er sich vnder die menscheit barg / |
geist vatter sün vnd crist //= | |
[V] | |
DAz crütze breit daz was der schilt / | |
den do der künig vmb gürte / | |
gein sinen fienden uff der ban / | |
vnd noch tüt allen tag | |
[5] | ¶ Ein scharpfes sper sin hertze milt / |
in sinem libe rürte / | |
blüt vnde wasser dar vss ran / | |
vor war ich üch daz sag | |
¶ Die crone was daz clein<ot> sin / | |
[10] | daz du der künig üff fürte / |
die was sich scharf / Vnd merdürin | |
die ym sin hirn dürch schürte / | |
daz ym sin gotlich haübet wart / | |
von rottem blüte nass / | |
[15] | ach sünder nü wiß nit zü hert / |
schrib in din hertze daz //= | |
[VI] | |
<D>Ry nagel stümpff vnd vngefüg / | |
würden durch yn getriben / | |
da von würden ym hend vnd füss / | |
so jemerlich verwünt | |
[5] | ¶ Wer daz in sinem hertzen trüg / |
festlichen dar in schriben / | |
dem wirt lind vnd süss / | |
würd an der sel gesünt / | |
¶ Sie richtent uff daz crücze gross / | |
[10] | dar an [wart] was er geslagen / |
ach sünder nü [wiß] biss nit so loss / | |
du soltz ym helffen tragen / | |
sie liess yn fallen uff die brüst / | |
da hub sich iamer not / | |
[15] | su#;on vnd man sich da entrüst / |
[daz w] da er am crütz waz tot //= | |
[VII] | |
MAria fürt mit ym den stu#;orm / | |
mit gar versertem hertzen / | |
Johannes der was auch da mitten / | |
sagt vns die eigenschafft / | |
[5] | ¶ Verwunt in sines hertzen türn / |
sag ich üch ane scherczen / | |
ir reine sel wart da versnitten / | |
so gar mit leydes krafft | |
¶ Sie legten yn totten in ir schoss / | |
[10] | do hüb sich bitter liden / |
marien herczenleit waz [so] grosß / | |
daz günd ir sel verschniden / | |
ir bitterkeit was manigfalt / | |
der edelen küngin reyn / | |
[15] | dar vmb rat ich uch jüng vnd alt / |
ir lobt sy all geme#;ein //= | |
[VIII] | |
SEchs hündert vnd sechstüsent ser / | |
vnd sechs vndsechssczig wünden / | |
enpfing de#;er kempff des fürsten kint / | |
al vmb die cristenheit / | |
[5] | ¶ Waz strit geschahen nü biss her / |
vnd noch geschehen kunden / | |
dy die wern doch gein dem strit ein wynt / | |
den da der fürste streit | |
¶ Waz all propheten vnd wissagen / | |
[10] | strites ye besynnen / |
dy mochten yn nit vß getragen / | |
mit allen iren sinnen / | |
vnd alle mertelere güt / | |
mit yerem leben reyn / | |
[15] | vergulden nit des des kostbern blüt / |
dez fürsten ein tropflin clein //= | |
[IX] | |
DO nü der fürst den strit gewann / | |
gein sinen vinden allen / | |
mit macht vnd freüde er do hin kam / | |
zu lieben fründen sin | |
[5] | ¶ Mit ym nam er den stürme fan / |
vnd brach die hell mit schallen / | |
fraw eüen mit her adam nam / | |
manig sel vss der pin / | |
¶ Er loist die selen vsser wee / | |
[10] | vnd gab yn ewig leben / |
des dancken wir ym jmmer me / | |
vnd wollen dar nach streben / | |
tag vnde nacht mit fryem müt / | |
loben den fürsten groß / | |
[15] | der all<s>o williclich sin blüt / |
durch al sunder vergoss // etc. |
Transkription: M.B.